Skip to content

“الكوميديا الأردنية ” أكثر من مجرد اقتباس

May 30, 2012

من فترة لفترة بحضر مقاطع من قنوات الكوميديا الأردنية، وهون مش ححكي عن رأيي فيها. بس اللي لفت انتباهي في مقطع جديد هو التشابه الغريب بين جزء من المقطع ( من تقريبا 6:10 ل 7:10) مع مقطع للفنان الكوميدي Dave Chappelle  من ضمن عرض من عروضه

طبعا من باب حسن النية، علّقت على الفيديو على اليوتيوب امبارح بستفسر عن سر التشابه، بس اليوم بدل ما أشوف رد، كان التعليق طاير سبحان الله .

هل يعتبر هيك اشي عادي وطبيعي؟ والا في مشكلة؟

طبعا هيك غير عن التشجيع على بعض الأفكار النمطية في المجتمع، من الحكم على المرأة من لبسها ” بنت تحترم” بناء على شو لابسة بس برضو مش موضوعنا…

كثر الحديث..أوكتان يا حبيبي أوكتان

May 28, 2012

عن البنزين، أولا نفسي أفهم مين هو الذكي اللي قرر انه بنزين 95 يمثل الفئة الغنية في البلد؟

المشكلة مش بس اللي قرر، المشكلة نسبة أصحاب الفتاوي في الشعب، يعني اللي بقرأ تعليقات الناس بحس الشباب مهندسين كيميا في المصفاة من 17 سنة. زي مثلا ” ال95 ما بعبي منه الا اللي راتبهم فوق ال1000 دينار” ، ” اللي بعبي 95 ما بفرق معه 20 قرش باللتر” ، طبعا 20 قرش بالتر يعني تقريبا حوالي 10 دنانير بالفل..يا فل

المهم، شو يعني بنزين 95 أو 90؟

رقم 90 أو 95 دلالة على قدرة مقاومة البنزين للانفجار أو قدرته على تحمل الضغط قبل الانفجار أو الاحتراق الذاتي. وفي طريقة معتمدة لتحديد هالرقم، وهي مش نسبة (حاليا)، يعني في بنزين بأرقام أعلى من 100

المهم، شو بفيد كل هل حكي؟ بفيد انه المحركات ذات الكفاءة العالية بنضغط فيها البنزين بدرجة أكبر ولهيك بحتاجوا انه البنزين نفسه ما ينحرق ذاتية بمكان ما بدهم يحترق فيه وبوقت مش زي ما بدهم. طيب وشو بصير لو احترق بمكان غلط؟ ممكن ايسبب أضرار داخلية في المحرك وحجرة الاحتراق، وعلى المدى الطويل يمكن يتلف المحرك أو أجزاء منه.

المحركات الحديثة فيها تقنية بتساعد على تجنب الاحتراق الذاتي للبنزين لو المستخدم عبى بنزين 87 مثلا في سيارة بدها 90، يعني وحدة التحكم بالمحرك ممكن اتقلل كفاءة المحرك عشان هل موضوع، وممكن السواق ايحس بضعف بالعزم ( بس أحسن أكيد من خراب المحرك). بس بضل انه ممكن ايصير في أضرار بالمحرك وبعتمد على ظروف وطريقة القيادة ( الحرارة، عدد دورات المحرك، التسارع المفاجيء…)، يعني الموضوع مو محسوم.

طيب يا أخي أنا صارلي فترة بحط 90 وسيارتي بدها 95 وما صار اشي!

شو بعرفك انه ما صار؟ الأضرار ما بتبين بشكل كبير الا على المدى الطويل بالأغلب، يعني ممكن ايكون في أضرار السواق مش عارف عنها أصلا وممكن برضو ما ايكون صار.

بنزين 95 بس للسيارات الغالية؟

لا ما اله دخل، سيارتنا نيسان تيدا 1600 سي سي وسعرها أقل من 10000، وبدها رسميا بنزين 95، هوندا أكورد نفس السنة وسيارة تعتبر فئة أعلى رسميا بدها 91 مع انه أغلى وأفخم ومحرك أكبر. وبرضو الكامري ونيسان باترول 91 . شو بتعبي بالسيارة ما اله علاقة بسعر السيارة أو فخامتها، يعني بأوروبا المرسيدس وال BMW بكونوا ديزل. يعني الحكومة بتعاقب الناس اللي سيارتهم بتطلب نوع معين من البنزين مع انه ما اله خص بالدخل أو فخامة السيارة.

هسا لما رفعوا البنزين 95 شو استفادوا؟ معظم الناس ومنهم أنا حبلش بال90 وبس، لانه الفرق صار هائل. يعني زادوا ضريبة على اشي ما حيصير يستعملوا حد. طيب ما في أفكار ذكية؟ مثلا ليش ما يدرسوا الضرايب على السيارات، ويتم تحسين النظام بحيث يتم تشجيع شراء سيارات بتوفر بنزين، يعني مش منطق اللي بشتري سيارة محركها 800 أو 100 سي سي يتحاسب جمرك وضريبة زي اللي بشتري 6000 سي سي. يعني الحكومة الذكية بلشانة بالبنزين لحد ما صار سعر لتر البنزين المدعوم أعلى من سعره بأمريكا اللي ما بتدعمه وبقطع الالاف الأميال ليوصلهم. سبحان الله. ممكن برضو عكس الموضوع على الترخيص السنوي، اللي محركه مثلا أكبر من حد معين بزيد عليه مثلا فوق ال3000

ليش ما يتم اعادة النظر برسوم السيارات الهجينة، وبرضو اعفاء السيارات اللي محركها صغير بس، مش ال4X4 مثلا. رفع الفاتورة النفطية للبلد مش للبلد، الا اذا في أفراد مستفدين من هل موضوع.

الفكرة انه لما ايتم الرفع، ايكون أثره أكبر على القادر اللي ما رح يتأثر ( يعني ما حينتقل من طبقة متوسطة لطبقة فقيرة )

يعني حاليا استخدام السيارات في الأردن أساسي كون ما في عنا نظام مواصلات يمكن نعتمد عليه، لو في باصات منتظمة ونظام كان ما بحتاج الواحد سيارته ايروح للدوام مثلا.

الخلاصة، ال95 مش للأغنياء وما بعبر عن قيمة السيارة. استخدام بنزين برقم أوكتان أقل من المطلوب ممكن يسبب أضرار وممكن لا.

هذا والله أعلم

Orange sucks!

April 10, 2012

I was crazy to believe that Orange could be a good ISP, so I canceled my subscription with Zain and went back to Orange. That was some months ago, and I picked Home 1 offer where you get 5GB of download limit and open download from  12am-12pm, plus extra GB for 1.5 JDs.

The offer was good since most of my downloads happen in the night and that’s why I picked this offer. Few weeks ago, they raised the price of the extra GB from 1.5 to 2 JDs.

Today I got this :

Image

Basically there is no open download anymore and I will get  only 5GB from 12am-12pm, and actually if Home1 didn’t include open download I wouldn’t have picked it or picked Orange. Anyway, I called customers’ service to see how to cancel my subscription, Halema said, you can’t. You are tied with a one year commitment. I told her that I made a commitment based on what you offered then, you didn’t tell me that you are going to change the offer after few months. Anyway, I know that Halema has no power and she kept saying that I can’t and there is no way to revoke the contract.

This is another example of bad customer service, trick the customers with fake offers, then change whatever you want and tie them with a one year commitment. This might translate into more revenue but certainly less happy customers, but appearantly the latter doesn’t concern this company.

Update: 

Apparently complaining will work sometimes, I called TRC and they already had so many complaints about this issue. Anyway, it seems they worked out a deal not to change the policy for old customers.

From Orange FB groub:

مشتركي عرض ميز بيتك الأعزاء،
حرصاً منا على المحافظة على العلاقة الوثيقة التي تجمعنا بكم مشتركينا الكرام، وضماناً لرضاكم، فإننا نحيطكم علماً بأنه لن يتم إجراء أي تعديل على سعات التنزيل اللامحدودة خارج وقت الذروة (ابتداءً من الساعة 12 عند منتصف الليل وحتى الساعة 12 ظهراً) للمشتركين الحاليين في عرض ميز بيتك.
راجين منكم اعتبار أي إخطار سابق بهذا الخصوص لاغياً.

ولمزيد من المعلومات يرجى الاتصال على الأرقام: 1214 أو 064608888.

Two months with Android 4 (ICS) on Nexus S

February 10, 2012

I bought Nexus S one year ago, at that time it was the first phone to have the new Gingerbread (Android 2.3) OS, that update wasn’t major. Coming from 2.2, I noticed that it’s faster and more stable but not that much of changes in terms of usability. Many updates were released for 2.3, and the latest official update was 2.3.6 . Last December  Nexus S got the official new Ice Cream Sandwich OS ( 4.0.3 ) and hence it’s the first old phone to get this OS. The target of this new OS is to make Android more user-friendly so that more and more basic and ordinary users can enjoy and use Android without that much complexity.

I actully started writing this post in December but failed to complete it, which is a good thing because I now had more to use ICS. This is not a review for the OS since many good reviews are already out but I  just wanted to share my personal experience about the OS

The major update for our region is that ICS supports Arabic out of the box, displaying connected Arabic characters, finally! . It offers a good Arabic keyboard and also Arabic voice typing  with localization. For voice dictation you will have many choices of Arabic dialects and one of them is Jordanian, you can use your voice to search (was introduced earlier for 2.3)  or write in Arabic. I didn’t use the voice feature that much, but I was impressed by the searching accuracy, for example voice searching for ” جريدة الغد” will get you directly to Google search results page and the first link will be the Jordanian Alghad.

image

Writing wasn’t always accurate, and as I understand by using it more it should get more and more accurate. What I really liked that they worked on localization for example, saying ” كنت بدي” will be detected. You can see from the above screen shot that it almost got the full sentence correctly and the only word that was misspelled was ” تيجي” but actully it suggested the right word as the first correction.

In general, ICS is pretty good in terms of usability and being fast. The browser is much easier to use and even the new keyboard is smarter. But from my experience with Android, you will usually get some bugs in the first releases and I had two major bugs with ICS. One is the usual random reboot and the second is the awful battery life, I used to get not more than 5-6 hours which is ridiculously bad. I tried so many customized ROMS and I can say that they reduced the effect of such bugs.

To sum things up, I can say that ICS is till now the best Android version that I used and I think with some minor updates it will be stable and reliable as it should be, I hope :D

image

عن اضراب المعلمين والتضحية

February 10, 2012

كنت بسمع على الراديو ومش مذكر شو المحطة، بس اشي و90، المهم أنا سمعت جزء وكان الضيوف نائب وعين. واحد منهم كان يحكي احنا مع مطالب المعلمين ونفسي ايكون راتب المعلم 3000 دينار بس انه في واقع وهل حكي، وحكى انه البلد بمر بفترة صعبة ولازم المعلمين ايضحوا عشان الموازنة ويصبروا على الحكومة 3 سنين.

طب يا أخي ليش ما النواب، الأعيان والوزراء ايضحوا اشوي؟ يعني مثلا ليش ما تتنازلوا اشوي عن بعض المزايا وجزء من الراتب مادام بطالب المدرسين بالتضحية؟ والا هي التضحية بس على حساب الطبقة الدنيا؟

في الصفحة الأولى من جريدة الغد كان مكتوب تصريح وزير التربية عن انه 75 مليون صعب ايدبروهم خلال هاي السنة، بس بنفس الصفحة كان في خبر عن زيادات العسكريين  الي تم اقرارها.

غير طبعا عن التعليقات الي هون وهون عن انه اولادنا صاروا بالشوارع، يعني أنا مو فاهم، هو الولد ما عنده بيت؟ يا مدرسة يا شارع؟ هو المعلمين بشتغلوا حواضن يعني؟

طب صح، موازنة الأردن صعبة والعجز فيها بلاوي، بس يعني اذا في تقشف لازم يمشي على الكل، كبير وصغير. مش منطقي أحرم معلم من زيادة بسيطة وبنفس الوقت الوزراء رواتبهم مرتفعة وما في تضحية لا براتب ولا بسيارات. مش منطق أطلب من المعلم التضحية وهو صارله طول عمره بضحي وراتبه بالدرك الأسفل. وللأسف كان في مذكرة من كم نائب من كم يوم،  بطالبوا بمساواة رواتب النواب ومزاياهم بالوزراء، يعني مش مطالبة بتنزيل تكلفة الوزراء، لا العكس. وقتها مو مهم التضحية، مهم الهيبة.

أخبار ذات علاقة:

نواب يطالبون بمساواة رواتبهم وتقاعدهم بالوزراء

http://www.addustour.com/ViewTopic.aspx?ac=%5CLocalAndGover%5C2012%5C02%5CLocalAndGover_issue1573_day07_id390290.htm#.TzWCxG_9Oa8

«التعليم العالي» ينسب بتعديل أنظمة الرواتب والعلاوات في الجامعات الرسمي

http://ar.ammannet.net/?p=142996

http://ar.ammannet.net/?p=144397

30 دينارا الحد الأدنى لزيادة المتقاعدين العسكريين القدامى ومتقاعدي الاعتلال

http://ar.ammannet.net/?p=144287

دودج دورانجو الجديدة جدا جدا جدا

November 28, 2011

مبارح كنت بغير بالقنوات، فلفت انتباهي برنامج عن السيارات على الفضائية الأردنية. ما بعرف من متى هل برنامج موجود، مش مهم انه معظم السيارات اللي بحكوا عنها أكثر من 75% من الشعب ما معوا يشتريها جديد، واللي معه أصلا ما حيكون حاط على الفضائية الأردنية. لفت انتباهي انه المقدم بس بمدح بالسيارة زي الدعايات مش زي برنامج سيارات محايد، يعني ما سمعت ايش عيوب  ( السيارة دودج دورانجو) بس أنا أكثر اشي جلطني لما المقدم بحكي لممثل الشركة ، انه السيارة سعرها كثير مناسب بالنسبة للمواصفات وللطبقة الفوق المتوسطة. طبعا كم سعر السيارة؟

بين 45000 و65000 دينار. 45000 دينار قادر عليه الطبقة الفوق المتوسطة بالأردن؟  ايش تعريف هاي الطبقة ؟

مفروض برنامج سيارات بالأردن يحكي بس عن الكيا سيفيا و عن فحص الشاصي ، من وحل الواقع يعني مش دودج دورانجو اللي سعرها بمتناول الطبقة الفوق متوسطة !!

اشي ( ما ) بضحك

June 21, 2011

اليوم كان ثاني فعالية بحضرها في الهيئة الملكية للأفلام ضمن مهرجان الفيلم الفرنسي العربي، حلو انو بالمرتين المسرح مليان وفي ناس بتكون مكومة على الدرج. المهم الفيلم اليوم كان ” عندك نكتة؟” أو “ (No) Laughing matter” للمخرجة الفرنسية فانسيا روسولو، طبعا ما اتفكروا انو بعرفها من قبل! وهاي اعلان الفيلم

الفيلم بحاول ايصال فكرة عن حياة الفلسطينيين تحت الاحتلال بطريقة غريبة شوي، المخرجة وطاقمها بلفلفوا في فلسطين للبحث عن النكتة الفلسطينية و الفكاهة الفلسطينية، ردة فعل الناس بتختلف حسب العمر والمكان والثقافة. بس المهم انه كل واحد بحكي نكته بكون حامل هم  وحزن عن 100 سنة. أغلبية اللي حكوا كانوا عاملين دمج بين النكتة والحياة الكئيبة تحت الاحتلال. الفلسطيني بدو أي متنفس عشان يحكي عن حياته ومعاناته.

حتى المأساة بتعمل أحلى نكت، نكت بتمزج ضحك بنكد مثل نكتة معجنة فلسطين ( لازم تحضروا الفيلم) وهي نكتة عفوية ، في مخبز بعمل معجنات واسم معجنة معجنة فلسطين وفيها من ألوان العلم بندورة وريحان، ومن المعجنة الكبيرة ( فلسطين التاريخية) وتقسيم فلسطين وفق المستجدات والتطورات الاقليلمية من احتلال ال48 وال67 وانقسام الضفة وغزة ومناطق ألف ومناطق (ب) بتصفي فلسطين أو معجنتها قطعة صغيرة لا تغني ولا تسمن عن جوع.

المخرجة وصحفي بلجيكي *حضروا العرض ودار نقاش كان فيه أسئلة حلوة وكم سؤال كان نفسي أشوف شكل اللي سأل، الفيلم جاب فلسطنيين من الضفة وغزة ( عبر Skype) ومن فلسطينني ال48   في أخ سأل انه الفيلم بحكي عن الفكاهة الفلسطينية وبعدين شفنا حالنا بمناطق أخرى, الأخ حسب ما فهمنا معترض على عرض فلسطيني من ال48 على أساس انه فلسطيني، المضحك انه اللي رد عليه أول كان المخرجة والصحفي اللي أكد انه وفق ما هو بعرف اسرائيل قائمة على أرض فلسطينية. يعني البلجيكي يحكي هيك والعربي مش معترف بفلسطينية المقيميين على ال48؟

الفيلم تم ازالة الصوت من بعض مقاطعه مع ابقاء الترجمة، المقاطع كانت لكلمات تتعلق بالذات الإلهية وكلمات أخرى مش مؤدبة أوي، في ناس ما عجبها الموضوع، بس رد مسؤولة العرض كان أكثر من كاف لاقناع اللي بده يقتنع، يعني شو الفايدة انه الفيلم يكون مافيه حذف اشي اذا اللي حضروه 10 أو 20 من اللي بعتبروا حالهم مثقفين بدون حدود، الفيلم حتى يوصل فكرة لازم يشاهده أكبر عدد. والمشكلة انه التشفيير كان على الصوت بس، يعني الترجمة كانت كاملة.

ما كنت متوقع الفيلم هيك، وما قرأت عنه قبل. وبعد ما احضرته طبعا بنصح الكل يحضروا على الرغم من خدشه لبعض نواحي ثقافتنا، واللي في عنده امكانية يعرضوا لناس أجانب ما بعرفوا عن القضية الفلسطينية اشي بكون أحسن وأحسن. خلاصة الفيلم بالنسبة الي انه قدر ايوصل صورة الفلسطيني للاخر بشكل بعيد جدا عن نمطية الأخبار والصحف والأفلام التجارية، نقل الفيلم الفلسطيني من الكائن الموشح بلفحة سوداء وبكره ” اليهود” الى انسان بضحك وبحزن بخبز وبفتح الانترنت وبستعمل جوجل وسكايب ، وبحاول ايعيش تحت الاحتلال على أمل يجي يوم وايحل عنه وعن أرضه.

* تحديث: أنا ذاكرتي ضعيفة فمش فاكر اذا كان بلجيكي أو فرنسي

Follow

Get every new post delivered to your Inbox.

Join 48 other followers